IX Xornada de Onomástica Galega

As Xornadas de Onomástica Galega son unha iniciativa da Real Academia Galega desenvolvida coa colaboración da Deputación de Pontevedra e o Museo de Pontevedra.

O ceo, os animais ou a intelixencia artificial son algúns dos eidos nos que se centrará esta Xornada. O encontro, organizado polo Seminario de Onomástica da Real Academia Galega, desenvolverase o sábado 19 de outubro no Edificio Castelao do Museo de Pontevedra.

Para asistir é necesario formalizar a inscrición enviando un correo electrónico antes do 16 de outubro a publicacions [at] academia.gal (publicacions[at]academia[dot]gal) cos datos que se indican no programa.