Avaliación de materiais didácticos
Nova Escola Galega celebra no CPI Virxe da Cela de Monfero (A Coruña) o VIII Seminario Obradoiro de avaliación de materiais didácticos. Esta actividade presenta un carácter práctico e innovador, na que se parte de distintos modelos de avaliación de recursos educativos dirixidos aos distintos ámbitos de ensino (regrado ou non) como parte necesaria da formación docente actual.
Entre os obxectivos que se pretende acadar están os seguintes:
- Coñecer e usar guías de avaliación de materiais educativos.
- Avaliar os materiais didácticos a través de distintos modelos de avaliación.
- Valorar os recursos educativos das principais editoriais para considerar a súa utilidade nas aulas.
A metodoloxía do seminario baséase en conferencias inaugurais, mesas de debate e obradoiros de traballo personalizados.